URRIAren 18(inaugurazio ekitaldia), 21, 22 eta 23

CLIMATHON EIBAR 2022
norentzat?apunta zaitez!

Klima aldaketa ez da gelditzen.
Urtero jasotzen eta jasaten ditugu ondorioak. Gure lurraldetik ere jarduteko garaia da. Zatoz mundu osoan mobilizatzen ari den komunitate bateko kide izatera. Unea orain da eta lekua Climathon Eibar 2022
Aldaketaren unea da.


ZURE ZAIN GAUDE KLIMATHONEAN.
EIBAR-URRIAK 18, 21, 22 ETA 23

Climathon-a asteburu bat irauten duen maratoia da. Bertan, pertsona talde batek tokiko eta eskualdeko eragile publiko eta pribatuekin lankidetzan jarduten du, klima-aldaketaren aurka borrokatzeko erronkei irtenbideak bilatzeko.

Climathon Eibar 2022 Eibarko udalerrian antolatutako Climathon ekitaldiaren laugarren edizioa da. EIBAR CLIMA LAB kolektiboak eta Gipuzkoako Ingeniaritza Eskolak – Eibar Atala bultzatutako ekimena da, non Energia Berriztagarrien Ingeniaritzako Gradua irakasten da. Climathon Europako CLIMATHON sareak koordinatutako ekimena da, EIT CLIMATE-KIC erakundeak bultzatua eta Alkateen Itunak (COVENANT OF MAYORSbabestua.

Climathon-ak nazioartean hazten jarraitzen duen ekimena da, ikasle gazteen eta pertsona ekintzaileen kezka klima-aldaketak sortzen dituen erronken aurrean bat egiteko aukerak sustatuz. Azpimarratu nahi dugu oso garrantzitsua dela erakunde publikoek eta enpresek Climathon-ean parte hartzea, Gipuzkoan modu berritzailean gara daitezkeen etorkizuneko erronkak eta esparru estrategikoa eskaintzeko orduan.

Planetaren etorkizunak kezkatzen zaitu? Zure etorkizunak eta ingurukoenak kezkatzen zaitu? Gipuzkoako eta Euskadiko enpresa eta ikerketa-zentro onenekin bi asteburutan lan egitea proposatzen dizugu, erronka ekologiko eta klimatikoari irtenbideak bilatzeko.

Lantaldetan antolatuko gara, parte-hartzaile guztien ezagutza partekatzeko, eta, gainera, klima-aldaketan, energian eta ekintzailetzan adituak diren pertsonen laguntza eta aholkularitza izango dugu.

Climathon Eibar 2022erako, Gipuzkoako Foru Aldundiaren laguntza dugu, Ingurumen eta Obra Hidraulikoen Departamentuaren eta Naturklima Fundazioaren bitartez. Gainera, Eibarko Udalaren eta Euskal Herriko Unibertsitatearen laguntza izaten jarraitzen dugu. Apustu horrekin, Climathon Eibar 2022ak dimentsio eta proiekzio berria hartu du Gipuzkoa osoan.

Eibarren, bere eskualdean eta Gipuzkoako lurralde osoan dagoen industria-, hezkuntza- eta teknologia-egiturak berrikuntza- eta ekintzailetza-ekosistema bat aktibatzen lagun dezake, trantsizio energetikorako eta ekologikorako eta ekonomia zirkularrerako proiektuak sortzera bideratuta, klima-aldaketa arintzeko eta horretara egokitzeko irtenbideak bilatzeko helburuarekin.

 

Zuk ere klima-aldaketaren aurkako borrokan zure alea eman nahi baduzu, izan zaitez aldaketaren parte eta bat egin ekimen honekin. Zatoz eta eman zure ezagutza, proposatuko diren erronkei irtenbide berritzaileak bilatzeko.